| Saga 5.2.2: | Árni Thorsteinsson (1828-1907), landfógeti. Stúdent úr Reykjavíkurskóla 1847. Lögfræðipróf í Kaupmannahafnarháskóla 1854. Sýslumaður í Snæfellsnessýslu 1856. Landfógeti og bæjarfógeti í Reykjavík 1861-74 og síðan landfógeti einvörðungu til 1904. Konungkjörinn þingmaður 1877-1903. Forseti Fornleifafélags frá stofnun þess til æviloka. Forgöngumaður um margvísleg nytsemdarmál, s.s. sjúkrahús í Reykjavík, sparisjóð og ræktunarframkvæmdir. Skjölin voru áður sérstakt skrásett safn, kennt við Árna, en þar er t.d. einnig margt frá föður hans, Bjarna Þorsteinssyni amtmanni. |