| Saga 5.2.2: | Hofsprestakall náði yfir Vopnafjarðarhrepp eða Vopnafjörð frá Strandhöfn að Fagradal eftir að Refsstaðarprestakall var lagt niður árið 1796. Áður hafði kallið náð frá Strandhöfn að Haga (Brunná á mörkum). Á 19. öld byggðust nokkur býli í löndum sem síðan voru dæmd eign Hofs og Bustarfells í Vopnafirði (Melur, Fagrakinn og Gestreiðarstaðir). Melur taldist í Möðrudalssókn árin 1848-1854 en síðan í Hofssókn. Hin býlin voru á ábúðartímanum í Möðrudalssókn sem þá heyrði undir Skinnastaðar- eða Hofteigsprestaköll eða Fjallaþing. Hofsprestur þjónaði stundum Möðrudalssókn eftir að þar varð prestslaust árið 1716, t.d. við töku aðalmanntalsins árið 1801. Skeggjastaðasókn var lögð til Hofsprestakalls árið 2017 frá Langanesprestakalli.
Sóknir: Hof, Refsstaður (1786-1812), Vopnafjörður (1899-), Skeggjastaðir (2017-). |