| Saga 5.2.2: | Í Hrafnagilsprestakalli voru (1801) hluti Hrafnagilshrepps, frá og með Kotá að og með Espihóli (þar með verslunarstaðurinn á Akureyri), hluti Öngulsstaðahrepps, frá Þröm og Garðsá að Litla-Eyrarlandi og Varðgjárbæir í Svalbarðsstrandarhreppi. Munkaþverárþing voru sameinuð Hrafnagilskalli árið 1803 (formlega árið 1838) sem náði þá yfir allan Öngulsstaðahrepp (nema þrjá bæi í Grundarþingum). Prestur settist að á Akureyri árið 1881 og heiti kallsins varð Akureyrarprestakall (lög árið 1880). Árið 1884 bættist Lögmannshlíðarsókn við Akureyrarkall (áður í Glæsibæjarkalli en þjónað af Stærra-Árskógspresti frá 1880) en Munkaþverársókn fór í Grundarþing (lög árið 1880) sem og Kaupangssókn og 11 bæir í Hrafnagilshreppi, frá og með Reykhúsum að utan, sem verið höfðu í Akureyrarsókn en urðu í Grundarsókn (lög árið 1884). Sjö bæir í Hrafnagilshreppi og Akureyrarsókn, frá og með Litlahvammi að utan, fóru í Laugalandsprestakall (Grundarsókn) árið 1957. Grímseyjarprestakall var sameinað Akureyrarkalli árið 1970 (þjónað frá árinu 1953). Akureyrarkalli var skipt í Akureyrar- og Glerárprestaköll árið 1981. Miðgarðasókn í Grímsey féll undir Dalvíkurprestakall árið 2001.
Sóknir: Hrafnagil (1863) Akureyri (1863), Kaupangur (1884), Munkaþverá (18031884), Lögmannshlíð (1884), Miðgarðar (19532000). |