| Saga 5.2.2: | Bergsstaðaprestakall náði (1801) yfir Svartárdal og bæina Bólstaðarhlíð og Æsustaði í Langadal, bæi á Skörðum (frá Vatnshlíð að Kálfárdal) og í Laxárdal frá Þverárdal út að Mörk. Allir bæirnir voru í Bólstaðarhlíðarhreppi. Hluta Blöndudalshólakalls (Blöndudalshólasókn) var aukið við Bergsstaðakall árið 1881 en sóknin lögð niður ári síðar og bæirnir í Svínavatnshreppi fóru í Auðkúluprestakall (Svínavatnssókn). Holtastaðasókn bættist við frá Höskuldsstaðakalli árið 1908 og prestakallið náði þá yfir Blöndudal austan Blöndu, Svartárdal, Langadal út að Breiðavaði, nokkra bæi á Skörðum og Laxárdal út að Núpsöxl. Auðkúluprestakall (Auðkúlu- og Svínavatnssóknir) var sameinað Bergsstaðakalli árið 1951 sem kallaðist Æsustaðaprestakall á árunum 19521970, Bólstaðarhlíðarprestakall 19702000 en var lagt niður í árslok 2000. Bergsstaða-, Bólstaðarhlíðar- og Holtastaðasóknir fóru í Skagastrandarprestakall en Auðkúlu- og Svínavatnssóknir í Þingeyraklausturskall. Prestar munu ekki hafa setið á Bergsstöðum frá árinu 1921.
Sóknir: Bergsstaðir (2000), Bólstaðarhlíð (2000), Blöndudalshólar (18811882), Holtastaðir (19082000), Auðkúla (19512000), Svínavatn (19512000). |