| Saga 5.2.2: | Hraungerðisprestakall náði árið 1801 yfir mestallan efri hluta Flóans eða Sandvíkurhrepp ofanverðan (frá og með Byggðarhorni, Jórvík, Björk og Selfossi), allan Hraungerðishrepp, bæina Hnaus og Kampholt í Villingaholtshreppi og Brú og Oddagarða í Stokkseyrarhreppi (hjáleigur Hæringsstaða). Hluti Villingaholtsprestakalls, Hróarsholtssókn, var lagður til Hraungerðiskalls árið 1856 og sóknin sameinuð Hraungerðissókn árið 1902. Þá urðu austustu bæir kallsins Kampholt, Hnaus, Hurðarbak og Súluholt. Villingaholtssókn kom í Hraungerðisprestakall frá Gaulverjabæjarprestakalli árið 1908. Þá urðu bæirnir Súluholt, Kolsholt, Gafl, Mýrar, Sýrlækjarbæir og Partabæir (Traustholt) í Hraungerðiskalli móti Stokkseyrarprestakalli. Hraungerðisprestakall fékk heitið Selfossprestakall þegar sóknarpresturinn flutti á Selfoss árið 1956 (formlega árið 1970). Selfossprestakalli var skipt í Selfossprestakall (Selfosssókn) og Hraungerðisprestakall (Hraungerðis-, Laugardæla- og Villingaholtssóknir) árið 1991 en þau voru sameinuð sem Selfossprestakall árið 2009.
Sóknir: Hraungerði, Laugardælir/Laugardælur (1956, 1964), Oddgeirshólar (1752), Hjálmholt (17521805), Hróarsholt (18561902), Villingaholt (1908), Selfoss (1952). |