| Lagaleg staða 5.2.4: | Sumarið 1965 var samþykkt í fræðsluráði Reykjavíkur að hefja skólastarf í Hvassaleitisskóla undir stjórn Kristjáns Sigtryggssonar sem þá var yfirkennari í Álftamýrarskóla og skyldi skólinn vera útibú frá Álftamýrarskóla það ár. Nokkur bið varð um haustið eftir skólahúsnæðinu og þær 6 bekkjardeildir sem byrjuðu í skólanum nutu því kennslu í Breiðagerðisskóla og Hlíðaskóla. Tólfti nóvember 1965 var svo fyrsti kennsludagur í Hvassaleitisskóla og nemendur voru 164. Aðeins efri hæð syðra skólahússins var nothæft til kennslu og frágangur allur til bráðabirgða Skólinn tók til starfa í 1. áfanga skólans sem er tveggja hæða hús með 8 stofum. Fyrsti foreldradagur í skólanum var 17. febrúar 1966 og taldist þá 1. byggingaráfanga lokið. Arkitekt að 1. áfanga var Skarphéðinn Jóhannsson og verktaki Byggingaver.Haustið 1966 tók skólinn til starfa sem sjálfstæð stofnun og Kristján Sigtryggsson ráðinn skólastjóri. Skólabyrjun tafðist í eina viku vegna byggingaframkvæmda. Þá voru aldursflokkarnir 3, bekkjardeildir 10, nemendafjöldi 258 og kennarar voru 9, eftir það fjölgaði árlega í skólanum þannig að nýr aldursflokkur bættist við á hverju ári. Skólaárið 1967-1968 var unnið að lagfæringu lóðarinnar. Skólaárið 1969-1970 var 2. áfangi tekinn í notkun, en það er sams konar hús og 1. áfangi. Arkitekt að 2. áfanga var eins og áður Skarphéðinn Jóhannsson en verktaki Einar Árnason. Haustið 1969 gerðist Finnbogi Jóhannsson yfirkennari við skólann og gegndi því starfi þar til hann varð skólastjóri Fellaskóla sumarið 1973. Pétur Orri Þórðarson var ráðinn yfirkennari í Hvassaleitisskóla, en hann hafði verið kennari í Álftamýrarskóla. Barnapróf var fyrst tekið við skólann árið 1970 þá lauk 81 nemandi barnaprófi og 476 nemendur voru í skólanum. Annar áfangi skólans var tekinn í notkun haustið 1969 þann 1. október. Þá voru 5 ófullgerðar kennslustofur og kennaraherbergi tekið í notkun. Leikvöllur skólans var malbikaður 29. október 1969. Vorið 1972 var svo fyrst tekið unglingapróf við skólann þá voru samtals 584 nemendur í skólanum, unglingaprófi luku 87 nemendur. Þriðji áfangi var síðan tekinn til afnota smám saman á árunum 1979 - 1982, þ. e. efri hæð millibyggingar (skólastjórn og kennarar), íþrótta- og samkomusalur með stóru leiksviði sem jafnframt er tónmenntastofa og handmenntir eru í kjallara. Skólaárið 1981-1982 var leikfimisalur og búningsklefar teknir í notkun, 285 m2, sem er hluti af þriðja áfanga.Lokið var við þriðja áfanga skólans árin 1982-1983. Í þeim hluta þriðja áfanga er smíðastofa, tónmenntastofa og heilsugæsla samtals 768 m2. Arkitektar að 3. áfanga voru þeir Guðmundur Kr. Guðmundsson og Ólafur Sigurðsson. Verktaki var Böðvar Bjarnason. Skólinn hafði þá tvær færanlegar stofur þar sem kennd var heimilisfræði og myndmennt. Í janúarlok 1994 lét Kristján Sigtryggsson af störfum og Pétur Orri Þórðarson var ráðinn skólastjóri frá 1. febrúar 1994. Ásta Valdimarsdóttir, kennari við skólann, var sett í stöðu aðstoðarskólastjóra frá 1. febrúar 1994 til 31. júlí sama ár. Þórunn Kristinsdóttir var ráðin aðstoðarskólastjóri frá 1. september 1994.Haustið 1994 var flutt að skólanum færanleg kennslustofa fyrir heilsdagsskólann, 63 m2 að stærð. Árið 2012 voru Hvassaleitisskóli og Álftamýrarskóli sameinaðir og fékk nýi skólinn nafnið Háaleitisskóli Af heimasíðu Hvassaleitisskóla: Saga skólans. |